مرحبا يا أخواني وأخواتي الأعزاء
بما أنه فتحنا مدونة والحمد لله على قدنا عشان نطرح فيها الأمور والقضايا المحلية والعالمية حبيت أبدا بقضية صارت معي وهي شبه قصة يعني صارت معي لما رحت على الأردن الصيف الماضي
في يوم من الأيام قررنا أنا و ابن خالتي يامن نطلع رحلة من الي بتكون بالجرايد رحلة الي بتروح فيها على العقبة ورم والبترا ب 52 ليرة
قلنا ممتاز والسعر مناسب جدا ليش ما نطلع ننبسطلنا أكم من يوم ... جهزنا شنطنا زي العنجد وربطنا الأحزمة ورحنا على المكتب الي حجزنا عنده هو عالدوار السابع بديش احكي أسمه عشان ما اعمل دعاية p:
ما علينا طلعنا بهالباص وكله تمام التمام طبعا رحلة العقبة صراحة متعبة أربع ساعات والواحد قفاه بتروح بستين داهية من القعدة
قول ربك حكيم انه الباص كان فاضي وكل واحد اخذ كرسين
المهم وصلنا على الفندق الي على ذمتهم الوسيعة فندق أربع نجوم ( والله ما بعطيه شريطة )
والي هو البترا إنترناشونال Petra internaional
دخلنا أنا وابن خالتي قلنا هسا بنلاقي أشي أخف من الموفينبك بشوي
و إذا بالفندق زي فندق سيدي الي بالزرقا لا بل فندق سيدي أحسن
قلنا ما عليه مش مشكلة خير كله خير
دخلنا على الغرف وهون كانت الصدمة ... انو الحرامات والمخدات والحمام والغرفة كلها من متى ما أنغسلو
ما علينا قلنا احنا دافعين ميتين ليرة كلهن 52
مر اليوم الأول على خير و زيطة
تاني يوم الصبح نزلنا ل نسبح المفروض انه فيه مسبح ودولي يعني
نزلنا على المسبح الدولي وكلنا أمل بأنه نبلبط بالمية عاد العقبة والدنيا حر وبدها بلبطة
وصلنا المسبح وكانت الطامة الكبرى انه المسبح أكبر من البانيو تاع حمامنا بشوي
والمية أنضف من مية المجاري بشوي !!!! قلنا برضو مش مشكلة ما احنا لساتنا بالوطن العربي ما طلعناش
حملنا حالنا ورحنا على البحر نسبح
بعد ما سبحنا وافطرنا فلافل من عند بياع شورما رجعنا على الفندق بقدرة قادر
ودخلنا الغرف و كنت جايب معي ipod تاعي
المهم دخلت ادور على الأيبود أدور على الزفت مش لاقيه
ولك يامن انا اخذت الأيبود معي ... قال لي لأ انت تكرته على الكومدينا هون
دور دور دور ... أنلطش الأيبود
أكلنا هوا ... نزلك يامن على الريسبشن
يامن : أنسرقنا !!!
البنت : طول بالك شو أنسرقتوا
يامن : أي نعم أنسرقنا أيبود 30 جيجا
اللوبي كله اتطلع مستغرب ومتعجب
البنت خافف عقلها : طول بالك شوي هسا بنحكي مع المدير
نزلنا على المدير وردينا دورنا وما لقينا حل غير نطلب الشرطة
طلبنا الشرطة السياحية اخذت افاداتنا وبعدين طلبنا البحث الجنائي شاف الغرفة واخذ افاداتنا
وكملنا الرحلة الي مش مصلية على النبي من الأول
ولحد هسا ما بين الأيبود
يا ترا بكم انباع
علينا العوض ومنا العوض
تحياتي
بما أنه فتحنا مدونة والحمد لله على قدنا عشان نطرح فيها الأمور والقضايا المحلية والعالمية حبيت أبدا بقضية صارت معي وهي شبه قصة يعني صارت معي لما رحت على الأردن الصيف الماضي
في يوم من الأيام قررنا أنا و ابن خالتي يامن نطلع رحلة من الي بتكون بالجرايد رحلة الي بتروح فيها على العقبة ورم والبترا ب 52 ليرة
قلنا ممتاز والسعر مناسب جدا ليش ما نطلع ننبسطلنا أكم من يوم ... جهزنا شنطنا زي العنجد وربطنا الأحزمة ورحنا على المكتب الي حجزنا عنده هو عالدوار السابع بديش احكي أسمه عشان ما اعمل دعاية p:
ما علينا طلعنا بهالباص وكله تمام التمام طبعا رحلة العقبة صراحة متعبة أربع ساعات والواحد قفاه بتروح بستين داهية من القعدة
قول ربك حكيم انه الباص كان فاضي وكل واحد اخذ كرسين
المهم وصلنا على الفندق الي على ذمتهم الوسيعة فندق أربع نجوم ( والله ما بعطيه شريطة )
والي هو البترا إنترناشونال Petra internaional
دخلنا أنا وابن خالتي قلنا هسا بنلاقي أشي أخف من الموفينبك بشوي
و إذا بالفندق زي فندق سيدي الي بالزرقا لا بل فندق سيدي أحسن
قلنا ما عليه مش مشكلة خير كله خير
دخلنا على الغرف وهون كانت الصدمة ... انو الحرامات والمخدات والحمام والغرفة كلها من متى ما أنغسلو
ما علينا قلنا احنا دافعين ميتين ليرة كلهن 52
مر اليوم الأول على خير و زيطة
تاني يوم الصبح نزلنا ل نسبح المفروض انه فيه مسبح ودولي يعني
نزلنا على المسبح الدولي وكلنا أمل بأنه نبلبط بالمية عاد العقبة والدنيا حر وبدها بلبطة
وصلنا المسبح وكانت الطامة الكبرى انه المسبح أكبر من البانيو تاع حمامنا بشوي
والمية أنضف من مية المجاري بشوي !!!! قلنا برضو مش مشكلة ما احنا لساتنا بالوطن العربي ما طلعناش
حملنا حالنا ورحنا على البحر نسبح
بعد ما سبحنا وافطرنا فلافل من عند بياع شورما رجعنا على الفندق بقدرة قادر
ودخلنا الغرف و كنت جايب معي ipod تاعي
المهم دخلت ادور على الأيبود أدور على الزفت مش لاقيه
ولك يامن انا اخذت الأيبود معي ... قال لي لأ انت تكرته على الكومدينا هون
دور دور دور ... أنلطش الأيبود
أكلنا هوا ... نزلك يامن على الريسبشن
يامن : أنسرقنا !!!
البنت : طول بالك شو أنسرقتوا
يامن : أي نعم أنسرقنا أيبود 30 جيجا
اللوبي كله اتطلع مستغرب ومتعجب
البنت خافف عقلها : طول بالك شوي هسا بنحكي مع المدير
نزلنا على المدير وردينا دورنا وما لقينا حل غير نطلب الشرطة
طلبنا الشرطة السياحية اخذت افاداتنا وبعدين طلبنا البحث الجنائي شاف الغرفة واخذ افاداتنا
وكملنا الرحلة الي مش مصلية على النبي من الأول
ولحد هسا ما بين الأيبود
يا ترا بكم انباع
علينا العوض ومنا العوض
تحياتي
هناك تعليقان (2):
هههههههههههههه
والله انكم نهفات ..يعني طار الايبود
اه للاسف والله
يلا بيعوض ربك
إرسال تعليق